اضحك معانا من قلبك

مرة واحد مخنوق اوي من الدنيا كلها
جرس الباب رن الساعة 10 الصبح
و فتح الباب لقى واحدة مزيعة
بتقوله:ممكن نعرف بتعمل ايه اول ما تقوم من النوم ؟
قالها :انا بقوم من ام النوم اروح ام الحمام افتح ام الحنفية اغسل ام وشي اروح ام الاوضة اقلع ام الترنج البس ام البنطلون انزل ام الشغل و بعد ما بخلص الشغل برجع ام البيت وخلاص قالتله المزيعة:يا فندم يلعن ام البرنامج اللي خلانا نشوف ام وشك



**********

الصحفية : أنت بتأكــــل البقر إيه ؟ المزارع : انهي فيهم البيضا ولا الحمرا ؟؟ قالت : البيضا قال : البيضا بأكلها برسيم قالت : والحمرا قال : و الحمرا برضو برسيم قالت : طيب بتسكنهم فين؟ قال : انهي فيهم البيضا ولا الحمرا؟؟ قالت : البيضا قال : البيضا بسكنها في الحوش الي هناك قالت : والحمرا قال : و الحمرا برضو بسكنها في الحوش نفسه .
**********


واحد عنده كتكوت مفترس ، كل ما يدخله قفص الفراخ يروح الكتكوت واكلهم ، وفي قفص القرود ياكلهم ، وفي قفص القطط ياكلهم ، راح راميه في الصحرا . صعب عليه الكتكوت وراح يشوفه بعد تلات أيام ، لقى الكتكوت مرمي عالأرض والنسور بتحوم حواليه ، الراجل قاله : يا حبيبي إنت مت ؟ قام الكتكوت وقال له : يخرب بيتك بوظت الكمين

**********

واحد عنده مزرعة فراخ وكانت فاشلة جدا راح لمهندس زراعي وقاله: أنا مش عارف أزرع الفراخ, زرعتها من رجليها مطرحتش زرعتها من جناحها مطرحتش زرعتها من دماغها مطرحتش. المهندس قاله: روح هاتلي عينه من الأرض

**********

كل يوم النمر ينزل في الأرنب ضرب و يقول له إنت ودانك طويلة ليه. اشتكى الأرنب للأسد و قال له على تصرفات النمر معاه.الأسد قال للنمر يا أخي إتلكك للأرنب بطريقة أحسن من كده، قول له هات لى جزر، إذا جاب لك جزر لونه أصفر إضربه و قول له أنا عاوز جزر أحمر، و إذا جاب لك جزر أحمر إضربه و قول له أنا عاوز جزر أصفر. فقال النمر للأرنب... أنا عاوز جزر، فقال له الأرنب، عاوز الجزر أصفر و لا أحمر.النمر نزل في الأرنب ضرب و قال له إنت ودانك طويلة ليه

**********

مره واحد بعت جواب لقرايبوا مكتوب عليه ص ب 42
مكنش حد عارف يعنى ايه جابوا الذكى بتاع البلد قلهم يا اغبيه قصدوا عايز صندل بلاشتك مقاس 42

**********

مره واحد محشش ماشى فى الشارع لقى عمود عليه يافطه فوق
قال انا لازم اعرف اليافطه دى مكتوب عليها ايه
قعد يطلع على العمود لحد اليافطه لقا مكتوب عليها
(احترس من البويه

**********

مره واحد راح لمدير سينما قالو انا مراتى جوه مع واحد صاحبها
انا هدخل اجبها قال له لا انا هدخل اجبهالك انا مش عاوز شوشره
دخل المدير السينما وقال فى واحد بره بيقول ان مراتو هنا
وقاعده مع صاحبها انا هطفى النور وهى تخرج
طفى النور وولعه لقى السينما فاضيه

**********

مرة واحد متجوز واحدة خاينة وفى يوم رجع من الشغل بدرى
فمراته سمعت صوت الباب فقالت للراجل اللى معاها استخبا فى الدولاب
ولما جوزها دخل عليها الأوضه
لقاها متغطية وعماله تقول آه يا بطنى آه يا بطنى
فجوزها بيفتح الدولاب عشان يجيب الدوا لقا راجل راح ضربه على وشه
...وقاله أنت سايب مراتى عيانة وقاعد تلعب استغماية فى الدولاب

**********

ست ركبت اتوبيس و هي شايله ابنها الصغير
جت تدفع التذكرة الكمسري اتخض أول مابص للولد و قال
اللهم احفظنا ، انا عمري ماشفت عيل وحش كده
غطيه ياست حرام عليكي ‍
الست زعلت قوي و قعدت في كرسيها تعيط بحرقه
...الراجل اللي جنبها سألها مالك يا مدام بتعيطي ليه ؟
قالت له الكمساري ده ماعندوش دم قل أدبه عليا و انا خفت أرد عليه
قال لها تخافي تردي ليه ؟ الأتوبيس مافيهوش رجاله؟
ردي عليه و لو فتح بقه بكلمة نخرشمه
قالت له عندك حق أنا هاروح ابهدل كرامته
قال لها : عداكي العييييييب
شيلي النسناس بتاعك بقي علشان تعرفي تتخانقي براحتك

**********

محشش ساب حتة حشيشة في البيت و نزل
و عندة 3 كلاب .. المهم لما رجع فتش على الحتة ملقهاش
قال مفيش غير كلب من الكلاب دول خذها !! طب يعرف ازاي
قام جاب الكلب الاول و غناله .. ياليل يا عيييني يا لييييل
قام الكلب هوهو و كان حيعضة .. قال لا مش هوة
...جاب الكلب الثاني وقام يغنيلو .. ياليل يا عيييييني يا لييييييل
قام الكلب هوهو و قام يعضة .. قال لا ما فيش غيرة
جاب الثالث و بكل انسجام وطرب غناله
ياليلييييييييييي يا عينييييييييييييييييييييييييي يا ليل
قام الكلب ضحك وقال هاو هاو هاااااو .. نا تن تررن تررن نااااا .. هاو هاووو


**********


مرة واحد كان قاعد وسط اصحابه على القهوة فبيكلم مراتوا يقولها :ايوة يا ولية سخني المية انا عالباب اهو
فواحد صحبه قالو :واضح عليك انك مسيتر و ليك شخصية في البيت
رد عليه و قالوا :امال اخسل المواعين بمية سئعة


**********


بيقولك فار ماشي مع خطيبتة المهم قابلهم اسد فراح الفار عايز يرسم نفسة قدام خطيبتة
قعد يقول اي حد شايف نفسة هنا يطلعلي وانا اقطعه الي شايف نفسة يطلعلي وانا افرمه انت ياض يا اسد انت في حاجة متخلنيش اتخنق عليك
المهم الاسد سمع الكلمتين وساب الفار مكلموش
فبعد ما الفار روح خطيبتة البيت رجع للاسد وقعد يتاسفلة وطلع فوق دماغة عشا...ن يبوس دماغة
فالمهم شوية والفار لقا خطيبتة راجعة فقال للاسد يعني افعص دماغ امك دلوقتي


**********

فيه واحد راح للشيخ يفسر له حلم وقال : انا حلمت اني لابس بدلة لونها بني فاتح وجالس في مكان فيه عشب قال الشيخ : تفسير الحلم ..... انك ثور الله في برسيمه


**********

مرة واحد مخنوق اوي من الدنيا كلها
جرس الباب رن الساعة 10 الصبح
و فتح الباب لقى واحدة مزيعة
بتقوله:ممكن نعرف بتعمل ايه اول ما تقوم من النوم ؟
قالها :انا بقوم من ام النوم اروح ام الحمام افتح ام الحنفية اغسل ام وشي اروح ام الاوضة اقلع ام الترنج البس ام البنطلون انزل ام الشغل و بعد ما بخلص الشغل برجع ام البيت وخلاص قالتله المزيعة:يا فندم يلعن ام البرنامج اللي خلانا نشوف ام وشك


-----------------
هههههههههههههههههههههههههههههههههههه
ههههههههههههههههههههههههههههههه
يعطيك العافيه والله ضحكت من قلب وبالذات على هالنكته